በቅርቡ ተደርጎ የነበረው የ1999 ዓ.ምሕረቱ የሕዝብ ቆጠራ ከቤተ ክርስቲያናችን አንጻር ስላለው ምንነት የተዘጋጀውን የፍኖተ ሰላም ሬዲዮ ዝግጅት ያዳምጡ።

የሕዝብ ቆጠራው የልዩ ዝግጅታችን አካል የሆነበት ዋነኛው ምክንያት ቆጠራውና ውጤቱ በጉጉት ሲጠበቅ ስለነበርና በኢትዮጵያ ቤተ ክርስቲያን በኩልም የሚኖረው ትርጉም ሰፊ ስለሚሆን ነው።

በጠቅላላው በቆጠራውና በተያያዥ ጉዳዮች ዙሪያ ከዲያቆን ኤፍሬም እሸቴ ጋር ቆይታ አድርገናል እንድትከታተሉ እንጋብዛለን።  አስተያየት ወይም ጥያቄ ካለዎት በአድራሻችን ይላኩልን።    

ምክሮች - 1
• የሕይወት መገኛ የሆነውን አምላክህን እወቅ፡፡ በእርሱም ታመን፡፡ እርሱንም ተስፋ አምባና መጠጊያ በማድረግ ኑር፡፡
• ሕይወት ውጣ ውረድ የሚበዛባት ደስታና ሐዘን የሚፈራረቅባት መድረክ በመሆኗ ሁኔታዎችን እንዳመጣጣቸው በትእግሥትና በማስተዋል ለማሳለፍ ተጣጣር፡፡
• በሕይወት ዘመንህ በምታፈራው ገንዘብ የተራበን በማብላት የተጠማን በማጠጣት የታረዘን በማልበስና ችግረኞችን በመርዳት ጽድቅንና መልካም ስምን አትርፍበት፡፡
• ሕይወት በብቸኝነት እጅግ መራራ ናትና በጊዜ ከአምላክህ ጋር ተነጋግረህ የኑሮ ጓደኛህን በመምረጥ በመፈቃቀር በመተሳሰብና በመተጋገዝ ለመኖር ተዘጋጅ፡፡