(በቀሲስ ስንታየሁ አባተ)
በኢሳይያስ ዘመን የነበሩ እስራኤላውያን የተናገሩት ቃል ነው:: እስራኤላውያን የሚጾሟቸው ብዙ አጽዋማት ነበሯቸው:: ለምሳሌ ያህልም ብናይ በሳምንት ሁለት ጊዜ በሳምንት ሁለት ቀን ይጾሙ እንደነበር በሉቃስ ወንጌል ምዕ. 18¸12 ላይ ያለው ቃል ያስረዳል:: ማክሰኞና ሐሙስ ሊቀ ነቢያት ሙሴ ወደ ደብረ ሲና የወጣበትንና ከዚያ የወረደበትን ዕለት ለማሰብ እስራኤላውያን በሳምንት ሁለት ቀኖች ይጾሙ ነበR:: በነቢዩ በዘካርያስ ትንቢትም ላይ እግዚአብሔር እስራኤላውያንን እንዲህ ብሎ አዝዟቸዋል::"የሠራዊት ጌታ የእግዚአብሔር ቃል ወደ እኔ እንዲህ ሲል መጣ የሠራዊት ጌታ እግዚአብሔር እንዲህ ይላል የአራተኛው ወር ጾም የአምስተኛውም የሰባተኛውም የአስረኛውም ወር ጾም ለይሁዳ ቤት ደስታና ተድላ የሀሴትም በዓላት ይሆናል ስለዚህም እውነትንና ሰላምን ወደዱ" ተብሎ ለእስራኤላውያን ከእግዚአብሔር ዘንድ በነቢዩ በኩል በተነገራቸው መሠረት የተጠቀሱትን ይጾሙ ነበረ:: ዘካ. 8 18ና19

የጌታችን የመድኃኒታችን የኢየሱስ ክርስቶስ ሕማምና መከራ ከመወለዱ በፊት አንስቶ እንዳልተለየው መጽሐፍት ያስረዳል፡፡ ከእነዚህ ሕማማትና መከራ እጅግ አብዝቶ የተቀበለው ቤዛነት በሚፈጽምበት በመጨረሻ ወቅት ነበር፡፡ አዳም የፈጠረውንና የሚወደውን አምላኩን በመበደሉና ትዕዛዙን በመጣሱ ከእግዚአብሔር ተጣልቶና ተለይቶ ይኖር ነበር፡፡ በዚህም የተነሳ ሕማም መከራ ውድቀትና ውርደት ደረሰበት፡፡ በሰውና በእግዚአብሔር ትልቅ የጥል ግድግዳ ተፈጠረ፡፡ እግዚአብሔር አምላክ ርኅሩኀ ስለሆነ የአዳም ስቃይ ስላሳዘነው ሊታረቀው አንድያ ልጁን ወደ ዓለም ላከው፡፡ እርሱም ሁለተኛው አዳም በመባል ክርስቶስ ኃጢአት በሌለበት ሰውነቱ የመጀመሪያው ሰው የአዳምን ኃጢአት ተሸክሞ የእርሱን ሞት ሞቶ በመስቀል ላይ የሕይወት መሰዋዕትነት በመክፈል ከራሱ፣ ከአብና ከመንፈስ ቅዱስ አስታርቆታል፡፡ ይህንንም ነቢየ ልዑል ኢሣይያስ በትንቢቱ ከሰባት መቶ ዓመት በፊት እንዲህ ብሎ ገልጾት ነበር፡፡

በዚህ በዐቢይ ርእሳችን የተመለከትነውን መጽሐፍ ቅዱሳዊ ኃይለ ቃል የተናገረው ጌታችን መድኃነታችን ኢየሱስ ክርስቶስ ነው፡፡ የጸሎትና የጾምን ኃይልና ጥንካሬ አጉልቶ የተናገረውም ድዳና ደንቆሮ መንፈስ አድሮበት ይሰቃይ የነበረውን ብላቴና ከፈወሰ በኋላና የጌታ ተማሪዎች ርኩሱን መንፈስ ማውጣት እንዳቃታቸው ጥያቄ ከጠየቁ በኋላ ነበር፡፡ ተማሪ መምህሩን መጠየቅ የተለመደ እውነታ ነው፡፡ ልጁ ታሞበት ዕለት ዕለት ይሰቃይ የነበረው ግለሰቡ እርሱም ሆነ ልጁ ከገቡበት የመከራ አዘቅት ይወጡ ዘንድ ያስፈልገዋልና ከልጁ አጋንንቱን ያወጡ ዘንድ ወደ ደቀመዛሙርቱ አመጣው፡፡ ይሁን እንጂ ለመፈወስ አልተቻላቸውም፡፡ ከዚህ በኋላ ነበር የችግሮች ሁሉ ቁልፍ የሆነው የነገሥታት ንጉሥ፣የጌቴች ጌታ፣የታላቆች ታላቅ፣ኢየሱስ ክርስቶስን አይቶ በልጁ ላይ የሚታዩትን ችግሮች በሙሉ በግልፅ የነገረው፡፡

በኦርቶዶክሳዊት ተዋሕዶ ቤተክርስቲያን ባሕልና ትውፊት መሠረት ይህ የያዝነው የጾም ወራት ከሰባቱ አጽዋማት አንዱና ዋነኛው፣ ጌታ ከተጠመቀ በኋላ የጾመው የአርባ ቀን ጾም ነው፡፡ ምእመናን ጌታቸው ያደረገውን ምሳሌ ተከትለው ይጾሙታል፡፡